Kombëtarja shqiptare e futbollit fitoi 2-0 mbrëmjen e së dielës kundër Polonisë në stadiumin “Air Albania”, duke hedhur një hap tjetër drejt Euro 24.

Golat u shënuan nga Jasir Asani dhe Mirlind Daku, në minutat e 37-të dhe 61-të.

Sfida e Tiranës ishte e pesta për dy skuadrat që luajnë në grupin E kualifikues të Euro 2024, që do të zhvillohet në Gjermani.

Pas kësaj fitoreje Shqipëria është në krye të grupit me 10 pikë, Çekia dhe Moldavia me nga 8 pikë, Polonia me 6 pikë dhe Ishujt Faroe me 1 pikë. (Fatosi)