Kryeministri Li Qiang,  gjatë vizitës në Indonezi  ku mori pjesë në Samitin e Azisë Lindore  ndoqi të mërkurën fazën përfundimtare të testimit të hekurudhës së shpejtësisë së lartë Xhakarta-Bandung prej 7.3 miliardë dollarësh. Hekurudha prej 142 kilometrash lidh kryeqytetin indonezian të Xhakartës me qytetin e Bandung. Ky është një projekt kryesor i bashkëpunimit Kinë-Indonezi në kuadrin e Iniciativës “Një Brez, një Rrugë” (BRI).

Hekurudha Xhakartë-Bandung(Foto:VCG)

Inxhinierë kinezë punojnë bashkë me homologë indonezianë(Foto:VCG)

Ky vit shënon 10 vjetorin e partneritetit gjithëpërfshirës strategjik midis Kinës dhe Indonezisë. Ky vit shënon gjithashtu vitin e 10-të që Presidentit Xi Jinping propozoi në Indonezi Rrugën Detare të Mëndafshit të shekullit të 21-të, e cila, së bashku me Brezin Ekonomik të Rrugës së Mëndafshit  përbën Nismën “Një Brez, një Rrugë”.

Kina dhe Indonezia kanë rënë dakord të thellojnë bashkëpunimin me cilësi të lartë, me besimin e tyre të zgjeruar strategjik dhe miqësinë e fortë, duke vendosur një shembull respekti dhe përfitimi reciprok për vendet e tjera në zhvillim.

Bashkëpunimi kino-indonezian, një shembull tipik se si Kina ka zhvilluar bashkëpunimin e përgjithshëm me Shoqatën e Kombeve të Azisë Juglindore, ka katër karakteristika.

Së pari, të dy vendet vazhdojnë të harmonizojnë politikat e tyre të zhvillimit. Suksesi i sinergjisë së strategjisë Globale Detare të Indonezisë dhe Nismës së Kinës “Një Brez, një Rrugë” në 2018 ka rezultuar në thellimin e bashkëpunimit ekonomik dypalësh. Të dy palët kanë vendosur të prezantojnë projekte, që pasqyrojnë koordinimin e politikave, lidhjen e infrastrukturës, tregtinë e papenguar, integrimin financiar dhe marrëdhëniet më të forta mes njerëzve.

Së dyti, që tregtia dhe investimet dypalëshe janë rritur me shpejtësi është evidente nga fakti se Kina është tani partneri më i madh tregtar dhe tregu i eksportit i Indonezisë. Të dhënat zyrtare të Kinës tregojnë se në vitin 2022 tregtia dypalëshe arriti në 149.1 miliardë dollarë, me një rritje prej 19.8 për qind nga viti në vit. Gjithashtu, Kina ishte burimi i dytë më i madh i investimeve në Indonezi në vitin 2022 me 8.2 miliardë dollarë, sipas Bordit Koordinues të Investimeve në Indonezi.

Së treti, të dy vendet kanë bërë përparim të mirë në shumë projekte të rëndësishme bashkëpunimi, duke përfshirë hekurudhën me shpejtësi të lartë Xhakarta-Bandung, Korridorin Gjithëpërfshirës Ekonomik Rajonal dhe "Dy Vendet, Parqet Binjake".

Dhe së katërti, Kina dhe Indonezia kanë mbajtur komunikim dhe bashkëpunim të rregullt për çështjet rajonale dhe globale. Kina i kushton rëndësi të madhe ASEAN-it që të luajë një rol aktiv në bashkëpunimin rajonal, ndërsa Indonezia i përmbahet parimit të një Kine dhe mbështet bashkëpunimin e forcuar të Kinës me ASEAN-in.

Të dy vendet janë anëtarë të rëndësishëm të grupimeve rajonale, duke përfshirë Partneritetin Ekonomik Gjithëpërfshirës Rajonal. Përveç kësaj, ata kanë mbajtur qëndrime të ngjashme për çështjet kryesore globale, duke përfshirë reformën e Kombeve të Bashkuara dhe institucionet financiare ndërkombëtare, Raundin e negociatave të Organizatës Botërore të Tregtisë në Doha, sigurinë e energjisë dhe ushqimit, qeverisjen globale dhe luftimin e ndryshimeve klimatike. Dhe ata kanë bashkëpunuar në organizata shumëpalëshe si G20.

Gjithashtu, të dyja palët kanë ruajtur një marrëdhënie të mirë gjatë dekadës së fundit falë shkëmbimeve të shpeshta të nivelit të lartë, potencialit të bashkëpunimit dhe politikave të ngjashme zhvillimore. Presidenti Xi dhe presidenti indonezian Joko Widodo janë takuar disa herë gjatë viteve të fundit dhe konsensuset e tyre për disa çështje kanë ndihmuar në promovimin e marrëdhënieve dypalëshe.

Për më tepër, të dy vendet përcjellin Shpirtin Bandung të unitetit, miqësisë dhe bashkëpunimit, i cili u mbrojt për herë të parë në Konferencën Aziako-Afrikane në Bandung në 1955.

Ceremonia e nënshkrimit të një sërë marrëveshjesh bashkëpunimi Kinë-Indonezi(Foto:VCG)

Ndërsa morën pjesë në Samitin e G20 në Bali, Indonezi, në vitin 2022, Presidenti Xi dhe Presidenti Joko Widodo arritën një konsensus të rëndësishëm për ndërtimin e përbashkët të një komuniteti Kinë-Indonezi me një të ardhme të përbashkët dhe ranë dakord të përdorin 10 vjetorin e krijimit të partneritetit strategjik gjithëpërfshirës kino-indonezian  si një mundësi për të hapur zona të reja për bashkëpunim të nivelit të lartë.

Më 27 korrik, Joko Widodo vizitoi Kinën dhe mori pjesë në ceremoninë e hapjes së edicionit të 31-të veror të Lojërave Botërore Universitare FISU në Chengdu, në provincën Sichuan. Gjatë takimit të tij me presidentin Xi, ai tha se Indonezia është e gatshme të forcojë komunikimin strategjik me Kinën dhe të ruajë së bashku paqen, stabilitetin, zhvillimin dhe prosperitetin rajonal.

Në këtë frymë, të dyja palët duhet të bëjnë përpjekje për të krijuar një model të ri bashkëpunimi. Ata duhet të integrojnë partneritetin e tyre strategjik gjithëpërfshirës dhe politikat e zhvillimit, veçanërisht sepse Iniciativa për Zhvillimin Global, Nisma Globale e Sigurisë dhe Nisma Globale e Qytetërimit të propozuar nga Xi kanë injektuar energji pozitive në bashkëpunimin e tyre cilësor.

Megjithatë, të dyja palët jo vetëm që duhet të forcojnë bashkëpunimin në fusha të tilla si infrastruktura, energjia, mineralet, prodhimi, investimet, peshkimi, siguria ushqimore, mjekësia dhe shëndetësia, por gjithashtu duhet të fokusohen në industritë në zhvillim si energjia e re, ekonomia dixhitale dhe qytetet inteligjente për të përmirësuar pozicionet e tyre në zinxhirët e industrisë globale.

Ata gjithashtu duhet të forcojnë koordinimin për të adresuar çështjet rajonale dhe globale në mes të peizazhit global që ndryshon shpejt dhe i trazuar, sepse bashkëpunimi i tyre po përballet me disa sfida brenda dhe jashtë vendit. Për shembull, disa media perëndimore dhe forca anti-kineze kanë ngritur teorinë e "kërcënimit të Kinës", duke njollosur Iniciativën “Një Brez, një Rrugë” dhe duke u përpjekur të nxisin telashe në Detin e Kinës Jugore për të krijuar një pykë midis Kinës dhe ASEAN-it dhe sabotimin e bashkëpunimit mes tyre.

Reklam i  hekurudhës së shpejtësisë së lartë Xhakartë-Bandung(Foto:VCG)

Kina është ekonomia më e madhe në rajonin e Azi-Paqësorit dhe Indonezia është ekonomia më e madhe në ASEAN dhe anëtari i vetëm i G20-ës. Kina mbështet ASEAN-in për të ruajtur autonominë dhe unitetin e saj strategjik, ndërsa Indonezia e ndihmon Kinën të bashkëpunojë më mirë me ASEAN-in, të promovojë integrimin rajonal dhe të ndërtojë një komunitet aziatik me një të ardhme të përbashkët. Si e tillë, është në interesin reciprok të të dyja palëve që të ruajnë zhvillimin rajonal dhe të luajnë role më të mëdha në ruajtjen e paqes dhe stabilitetit rajonal.