foto nga CFP

Numri i kompanive të listuara në sektorin e prodhimit të nivelit të lartë në Kinë ka arritur në 2021, mes mbështetjes së politikave dhe transformimit strukturor dhe përmirësimit të industrive kineze, thuhet në një raport të publikuar nga Shoqata Kineze për Kompanitë Publike, citon “Xinhua”.

Shifra përbën 57 për qind të të gjitha kompanive prodhuese të listuara në tregun e aksioneve A, tregojnë të dhënat nga raporti.

Industritë e prodhimit të gjysmëpërçuesve dhe makinerive të nivelit të lartë patën zhvillim të fuqishëm, me sektorët e energjisë së erës, fotovoltaikëve, ruajtjes së energjisë dhe pajisjeve të transportit që kanë pasur një periudhë të shpejtë zhvillimi.

Në vitin 2022, të ardhurat totale të kompanive të listuara prodhuese të nivelit të lartë në Kinë arritën në 13.16 trilionë juanë (rreth 1.82 trilionë dollarë amerikanë), me një normë rritjeje të përbërë prej 14.97 për qind gjatë pesë viteve të fundit.

Fitimet neto të kompanive ishin 875.08 miliardë juanë vitin e kaluar, me një normë rritjeje të përbërë prej 25.52 për qind në pesë vitet e fundit, sipas raportit. (Irma)

foto nga CFP

foto nga CFP