Foto nga CFP

Sektori i robotikës në Kinë është bërë një nga industritë strategjike në zhvillim dhe ka bërë arritje të jashtëzakonshme.

Të dhënat nga Zyra Kombëtare e Statistikave tregojnë se prodhimi i robotëve industrialë në Kinë arriti në 443.000 njësi në vitin 2022, duke u rritur me 21 për qind në bazë vjetore, shkruan “Xinhua”.

Robotët industrialë mund të përmirësojnë sigurinë dhe efikasitetin e prodhimit, të ulin kostot e punës dhe ta shtyjnë prodhimin drejt një niveli më të lartë inteligjence.

Sipas Ministrisë së Industrisë dhe Teknologjisë së Informacionit (MIIT), Kina është bërë tregu më i madh i robotëve industrialë në botë, me instalimet e saj vjetore të robotëve industrialë që përbëjnë më shumë se gjysmën e totalit në botë në vitin 2022.

Sipas MIIT, vitin e kaluar, numri i robotëve për 10.000 punonjës arriti në 392 për sektorin e prodhimit.

Instituti kinez i Elektronikës bën të ditur se tregu i robotëve industrialë në vend pritet të arrijë në 8.7 miliardë dollarë amerikanë në vitin 2023 dhe pritet të arrijë në mbi 11 miliardë dollarë deri në fund të 2024-s.  (Fatosi)