CFP

CFP

Junta në Niger i kërkoi ambasadorit francez në Niamey që të largohej nga vendi brenda 48 orëve, bëri të ditur Ministria e Jashtme e Nigerit, citon “RTSH”.

Në një deklaratë të publikuar nga transmetuesi shtetëror “ORTN”, Ministria e Jashtme e Nigerit bëri të ditur se ambasadori Sylvain Itte kishte refuzuar të merrte pjesë në një takim të planifikuar me ministrin e Jashtëm të vendit.

Ministria njoftoi se autoritetet e Nigerit kishin tërhequr kredencialet e Itte, duke përmendur gjithashtu veprime të tjera nga qeveria franceze që janë kundër interesit të vendit.

Nga ana tjetër, Departamenti Amerikan i Shtetit, përmes një deklarate, bëri të ditur se në internet qarkullonin imazhe letrash nga Ministria e Punëve të Jashtme të Nigerit, që bënin thirrje për largimin e personelit diplomatik amerikan.

Zyrtarët e Nigerit thanë se këto thirrje nuk janë bërë nga ministria dhe se asnjë kërkesë e tillë nuk i është bërë qeverisë amerikane.  (Fatosi)

CFP