Ministri i Jashtem iranian (Foto Punjabnewsexpress)

Ministri i Jashtëm iranian, Hossein Amir-Abdollahian, përshëndeti mekanizmin BRICS për luajtjen e një roli të pavarur dhe efektiv me një vullnet të madh globalisht, gjë që e bën atë një objektiv të favorshëm për Iranin në ndjekjen e promovimit të multilateralizmit, shkruan “Xinhua”.

Amir-Abdollahian theksoi se vendet e BRICS, të cilat kanë mbi 3 miliardë banorë, rreth 40 për qind të popullsisë së botës, kanë bashkëpunim të rëndësishëm me Iranin. Ai renditi kapacitetet e Iranit nga të cilat mund të përfitojnë anëtarët e BRICS-it, si vendndodhjen e tij gjeopolitike dhe gjeostrategjike, burimet e pasura energjetike, fuqinë punëtore të specializuar dhe efikase, përparimet tërheqëse në fusha të ndryshme dhe stabilitetin politik.

Ai theksoi se respektimi i parimit të pluralizmit përmes bashkëpunimit me mekanizma të ndryshëm ndërkombëtarë mund të jetë një opsion i favorshëm për vendet për të mbrojtur interesat e tyre maksimale.

Samiti i 15-të i BRICS-it, i mbajtur në Johanesburg, Afrika e Jugut, njoftoi të enjten se gjashtë vende, përfshirë Iranin, Argjentinën, Egjiptin, Etiopinë, Arabinë Saudite dhe Emiratet e Bashkuara Arabe, janë ftuar për t'iu bashkuar grupit dhe anëtarësimi i tyre do të hyjë në fuqi në 1 janar 2024.

BRICS është një akronim për pesë ekonomitë kryesore në zhvillim, përkatësisht Brazilin, Rusinë, Indinë, Kinën dhe Afrikën e Jugut. (Irma)

CFP