Foto nga VCG

Disa pjesë të Gjermanisë jugore u përfshinë të premten nga stuhi të forta që shkaktuan rrëzime pemësh dhe plagosjen e disa personave.

Reshjet përmbytën bodrumet dhe sistemet e transitit nëntokësor në veriperëndim të Bavarisë, shkruan “ATSH”.

Autoritetet thanë se ekipet e emergjencës iu përgjigjën qindra thirrjeve gjatë gjithë natës. Një vozitës në anën austriake të liqenit të Konstancës, që ndodhet në kufirin gjerman, u zhduk gjatë stuhisë.

Një 71-vjeçar u plagos rëndë pasi një pemë ra sipër makinës së tij në qytetin Thurnau, rreth 15 kilometra larg Bayreuth.

Në Weissenburg-Gunzenhausen, tre persona, përfshirë një foshnjë 3-muajshe, u dërguan në spital pasi erërat rrëzuan rreth 40 pemë. (Elona)