Një kompani kineze ka investuar në shtetin brazilian San Paulo në një projekt të furnizimit me ujë, duke dhënë një kontribut tepër të rëndësishëm për zonën. Ky projekt ka siguruar një furnizim të sigurt dhe të besueshëm me ujë të pastër për gati 2 milionë banorë në shtatë qytete të rajonit.
Projekti i ujit Kinë-Brazil jep shembull për bashkëpunimin dypalësh
Projekti i Furnizimit me Ujë në San Lorenzo ka dhënë kontribute të jashtëzakonshme në shtetin brazilian të Sao Paulos.
“Kapaciteti i fortë i furnizimit me ujë prej 6 metra kub në sekondë i ofruar nga projekti, i cili operohet nga “China Gezhouba Group Company Limited” (CGGC), jep padyshim një kontribut të rëndësishëm për zonën”,- tha menaxheri i përgjithshëm i ujësjellësit në San Lorenzo, Marcelo Indame.
Që nga funksionimi i tij tregtar në korrik 2018, projekti, i vendosur në komunën e Vargem Grande Paulista, ka siguruar një furnizim të sigurt dhe të besueshëm me ujë të pastër për gati 2 milionë banorë në shtatë qytete të rajonit. Përveç kësaj, u krijuan më shumë se 4000 vende pune dhe rrugët komunale përgjatë projektit u përmirësuan shumë gjatë periudhës së pikut të ndërtimit të projektit.
Qi Zexu, menaxher i përgjithshëm i “CGGC Brazil Company Limited”, tha se që nga funksionimi i projektit, nuk është vetëm periudha pesëvjeçare në të cilën kompania ka dhënë një kontribut të qëndrueshëm në furnizimin me ujë për njerëzit e shtetit të Sao Paulo, por edhe periudha në të cilën Kina dhe Brazili kanë punuar së bashku për të thelluar bashkëpunimin e BRICS, grupimi që përfshin Brazilin, Rusinë, Indinë, Kinën dhe Afrikën e Jugut.
“Kompanitë e mëdha kineze vijnë në Brazil dhe kontribuojnë me burimet e tyre për të investuar, gjë që është shumë e rëndësishme dhe në përputhje me nevojat e vendit”,- tha Indame.
Qytetet e mëdha kanë nevojë për zgjidhje që përfshijnë energjinë, ujin, trajtimin e mbetjeve të ngurta, transportin komunal dhe shërbime të tjera të jetesës, tha Andre Salcedo, drejtori ekzekutiv i kompanisë së menaxhimit të ujit dhe ujërave të zeza që i shërben shtetit të Sao Paulo “Sabesp”.
“Bashkëpunimi ynë me “China Gezhouba Group Company Limited” është një hap në këtë drejtim. Projekte të tilla mund të zgjerohen dhe përmirësohen brenda programit të investimeve të qeverisë së Sao Paulos për të ofruar shërbime më të mira për popullin”,- tha Salcedo.
“China Gezhouba Group Company Limited” kreu gjithashtu donacione dhe aktivitete vullnetare në komunitetet lokale, jetimoret dhe shtëpitë e të moshuarve, duke mbështetur edukimin dhe trajnimin e stafit, mbrojtjen e shëndetit dhe mjedisit lokal, praktikën jashtëshkollore të studentëve dhe aktivitete të tjera.
Samanta Souza, nënkryetare e Departamentit shtetëror të Mjedisit, Logjistikës dhe Infrastrukturës, tha se projekti ofron shërbime efikase dhe me cilësi të lartë për vendasit. Sipas saj, në vitin 2019 dhe 2020 kishte mungesë reshjesh në zonën metropolitane të Sao Paulos, por që nuk kishte dijeni për këtë gjë.
“Tani kemi sigurinë e një sistemi të integruar të furnizimit me ujë që përbëhet nga projekti dhe shtatë impiante të tjera të mëdha uji”,- theksoi ajo.
Souza beson se shteti mund të përdorë ekspertizën e kompanive të tilla si “China Gezhouba Group Company Limited” për të studiuar mundësi të reja për prodhimin e energjisë në centrale kaq të mëdha.
“Përveç prezantimit të investimeve, një partneritet i tillë sjell edhe shkëmbimin teknik shumë të nevojshëm, i cili e bën shtetin më modern dhe sjell përfitimet më të mira për mjedisin dhe vendasit”, tha Souza.
