Ministri i Mbrojtjes i Kinës Li Shangfu mbajti fjalim në këtë konferencë/ foto nga CFP
Konferenca e 11-të Ndërkombëtare mbi Sigurinë u zhvillua të martën në Moskë. Ceremonia e hapjes e saj kishte si temë "Aktualiteti i sigurisë globale në botën shumëpolare".
Në këtë konferencë, të organizuar nga Ministria e Mbrojtjes e Rusisë, pjesëmarrësit diskutuan për sigurinë në Azi, Afrikë, Lindjen e Mesme e Evropë dhe shkëmbyen mendime për forcimin e bashkëpunimit në situatën e tanishme ndërkombëtare e rajonale, për nxitjen e sigurisë dhe të qëndrueshmërisë në botë e në rajon.
Me ftesën e palës ruse, ishin të pranishëm në këtë konferencë mbi 800 përfaqësues nga 76 vende, si Kina, Bjellorusia, Afrika e Jugut etj., dhe nga tetë organizata ndërkombëtare, përfshirë OKB-në, Organizatën e Traktatit të Sigurisë Kolektive, Organizatën e Bashkëpunimit të Shangait etj.
Ministri i Mbrojtjes i Kinës Li Shangfu mbajti fjalim në këtë konferencë/ foto nga CFP
Ministri kinez vuri në dukje gjithashtu se problemi i Tajvanit është punë e brendshme e Kinës dhe në të nuk lejohet në asnjë mënyrë ndërhyrja e huaj. Ribashkimi i Kinës është prirje historike dhe të gjitha orvatjet për "frenimin e Kinës ndërmjet Tajvanit" do të dështojnë. (Wang Lei/ Artan)
