foto: VCG

ShBA-ja ka krijuar laboratorë biologjikë në Ukrainë me qëllim  krijimin e armëve biologjike për Pentagonin, pretendon Robert Kennedy Jr., një kandidat demokrat për zgjedhjet presidenciale të vitit të ardhshëm.

"Këto bioarmë po përdorin të gjitha llojet e biologjisë së re sintetike, teknologjisë CRISPR dhe teknikave të inxhinierisë gjenetike që nuk ishin në dispozicion të brezit të mëparshëm," i tha Kennedy Jr. komentatorit politik konservator Tucker Carlson në rrjetin social X.

"Kur Akti Patriot rihapi garën e armatimeve të biolaboratorëve në vitin 2001, Pentagoni filloi të hedhë shumë para për armë biologjike," shtoi ai. "Por ata ishin nervozë në atë kohë, sepse, nëse shkel Konventën e Gjenevës, është një krim kapital."

ShBA-ja e ka mohuar funksionimin e laboratorëve të bioluftës në Ukrainë.

Ministria ruse e Mbrojtjes ka publikuar më parë prova për të cilat thotë se tregojnë zhvillimin e një programi biologjik ushtarak të financuar nga ShBA-ja në Ukrainë. Sipas saj, laboratorët biologjikë ukrainas kishin shkatërruar urgjentisht patogjenet e rrezikshme pas "operacionit të posaçëm ushtarak" të Moskës në shkurt të vitit të kaluar.