CFP

Kina do të rrisë mbështetjen financiare për rindërtimin dhe përmirësimin e infrastrukturës në zonat e goditura nga katastrofa për të ndihmuar njerëzit dhe bizneset të kapërcejnë vështirësitë, njoftoi Administrata Kombëtare e Rregullores Financiare (NAFR), citon “Xinhua”.

Sipas administratës, më shumë mbështetje financiare do të marrin transporti, telekomunikacioni, furnizimi me gaz dhe energji elektrike, projektet e ruajtjes së ujit dhe parandalimit të mbytjeve.

Bankat inkurajohen të ofrojnë lehtësi kreditore për të ndihmuar kompanitë e vogla dhe mikro, bizneset individuale, ndërmarrjet bujqësore dhe mbarështuese, si dhe familjet rurale në zonat e prekura. Ndërsa kompanitë e sigurimeve inkurajohen të ofrojnë kapital afatgjatë për projektet kryesore në infrastrukturë dhe shërbimet publike.

CFP

Administrata u ka bërë thirrje institucioneve financiare në të gjithë vendin që të adresojnë nevojat e atyre në zonat e goditura nga fatkeqësitë për të zbutur ndikimin e përmbytjeve në zhvillimin social dhe ekonomik dhe jetën e njerëzve. (Fatosi)