CFP

CFP

Bota ka të ngjarë të përballet me ndërprerje të rënda në furnizimet ushqimore shumë përpara se temperaturat të kalojnë 1.5 gradë mbi nivelet para industriale, deklaroi kryetari i Konferencës së OKB-së për Shkretëtirëzimin, Alain-Richard Donwahi, njofton “ATSH”.

Sipas tij, kërcënuese për bujqësinë botërore janë pasojat e krizës klimaterike të kombinuara me mungesën e ujit dhe praktikat e këqija bujqësore.

“Efektet e thatësirës po shfaqen më shpejt nga sa pritej”,- deklaroi ish-ministri i Mbrojtjes i Bregut të Fildishtë, i cili drejtoi samitin e OKB-së Cop15 në vitin 2022 për shkretëtirëzimin.

“Ndryshimi i klimës është një pandemi që ne duhet ta luftojmë shpejt. Shikoni se sa shpejt po përparon degradimi i klimës, madje edhe më shpejt nga sa pritej. Temperaturat 1.5 gradë mbi nivelet para-industriale është një objektiv shumë i rëndësishëm, por në realitet, disa gjëra shumë të këqija mund të ndodhin, përsa i përket degradimit të tokës, mungesës së ujit dhe shkretëtirëzimit” tha Donwahi. (Fatosi)

CFP