Foto nga VCG

Autoritetet në Kinë  kanë akorduar 110 milionë juanë (rreth 15.43 milionë dollarë amerikanë) për të mbështetur punën për parandalimin e përmbytjeve dhe ndihmën ndaj fatkeqësive në Pekin, Tianjin dhe Hebei, sipas Ministrisë së Financave dhe Ministrisë për Menaxhimin e Emergjencave.

Fondet do të përdoren për të mbështetur punën e shpëtimit emergjent dhe ndihmën për njerëzit e prekur nga përmbytjet, citon “Xinhua”.

Autoritetet kineze kanë nisur përpjekjet masive të shpëtimit dhe ndihmës në përgjigje të shirave të rrëmbyeshëm të shkaktuar nga tajfuni, të cilat deri mbrëmjen e së martës kishin shkaktuar 11 viktima në kryeqytetin Pekin. (Elona)