Foto nga Panorama

Autoritetet turke kanë mbyllur plazhin e Sofular në Detin e Zi, pasi në atë zonë, shumë pranë bregut, u gjetën 28 predha të pashpërthyera.

Sipas mediave të huaja, predhat u gjetën nga zhytësit në një thellësi nga 1 deri 1.5 metra dhe rreth 10 metra larg njëra-tjetrës, shkruan “Panorama”.

Tetë mina u nxorën në breg për t’u shkatërruar, ndërsa mësohet se zhytësit vazhdojnë kërkimet në shtratin e detit, jo shumë larg plazhit.

Në pamjet e publikuara nga mediat, predhat e gjetura duket se mund të kenë qenë në ujë për një kohë të gjatë. Autoritetet nuk kanë bërë të ditur asnjë informacion mbi origjinën e mundshme të predhave. (Elona)