foto/VCG
Presidenti kinez Xi Jinping urdhëroi të martën të bëhen të gjitha përpjekjet për kërkimin dhe shpëtimin e njerëzve të humbur a të bllokuar nga përmbytjet dhe fatkeqësitë gjeologjike në një udhëzim mbi punën lidhur me parandalimin e përmbytjeve dhe zbutjen e pasojave të fatkeqësive.
Xi, gjithashtu sekretar i përgjithshëm i Komitetit Qendror të Partisë Komuniste të Kinës dhe kryetar i Komisionit Qendror Ushtarak, kërkoi gjithashtu të pakësohet sa më shumë numri i viktimave.
Nën ndikimin e tajfunit "Doksuri", reshje ekstreme shiu u regjistruan në Kinën Veriore dhe rajonet përgjatë Lumit të Verdhë dhe lumit Huaihe, duke shkaktuar përmbytje e katastrofa gjeologjike, si edhe shumë viktima në Pekin e Hebei.
foto/VCG
Është me rëndësi kyçe që të sigurohet trajtimi mjekësor për të lënduarit dhe t'u ofrohen ngushëllime familjeve të të vdekurve, tha Xi.
Ai kërkoi përkrahje për banorët e prekur nga përmbytjet dhe fatkeqësitë gjeologjike, rregullimin menjëherë të infrastrukturës së dëmtuar duke përfshirë transportin, telekomunikacionin e rrjetin elektrik, dhe rikthimin e rendit normal të punës dhe jetës sa më shpejt të jetë e mundur.
foto/VCG
Xi theksoi se autoritetet përkatëse duhet të forcojnë mbikëqyrjen dhe paralajmërimin e hershëm për përmbytje, të përqendrohen në vendet kryesore për parandalimin e përmbytjeve dhe të zbatojnë plotësisht masat për parandalimin e përmbytjeve gjatë periudhës kyçe nga fundi i korrikut deri në fillim të gushtit.
Siguria e jetës dhe pronës së njerëzve, si edhe qëndrueshmëria shoqërore, duhet të sigurohen me të gjitha përpjekjet, vuri në dukje presidenti i Kinës Xi Jinping. (Artan)