Foto nga VCG

Kina ka bërë hapa të rëndësishëm në avancimin e zhvillimit me cilësi të lartë të relikteve dhe trashëgimisë së saj kulturore, shkruan “Xinhua”.

Iniciativa të ndryshme janë ndërmarrë për të avancuar kërkimin arkeologjik, reliktet kulturore dhe ruajtjen dhe shfrytëzimin e trashëgimisë, inovacionin teknologjik dhe kultivimin e një grupi talentesh të aftë, njoftoi Administrata Kombëtare e Trashëgimisë Kulturore në një konferencë për shtyp.

Aktualisht, 18 nisma të mëdha arkeologjike janë duke u zhvilluar në Kinë dhe 268 projekte të pavarura janë nisur me sukses.

Vendi ka 55 parqe arkeologjike kombëtare dhe 6565 muze. Mbi 90 për qind e muzeve në mbarë vendin janë të aksesueshme falas për publikun.

Me përparimin në forcimin e mbrojtjes dhe përdorimit të relikteve kulturore revolucionare, Kina tani ka mbi 36.000 relike të paluajtshme dhe një koleksion prej mbi 1 milion copë reliktesh të luajtshme me një trashëgimi revolucionare.

Për më tepër, vendi ka formuluar udhëzime për të forcuar inovacionin teknologjik në fushën e trashëgimisë kulturore dhe ka rishikuar metodat standarde të menaxhimit për mbrojtjen e trashëgimisë kulturore. Kina tani ka mbi 40 baza kryesore të kërkimit të trashëgimisë kulturore në nivel kombëtar.

Sipas administratës, do të nisë një raund i ri sondazhesh kombëtare mbi reliktet kulturore dhe vendi do të vazhdojë përpjekjet e tij për të goditur krimet që lidhen me reliktet kulturore. (Fatosi)