Foto nga CFP

Indeksi i çmimeve të logjistikës rrugore në Kinë shënoi rënie në qershor pasi rritja e ofertës tejkaloi atë të kërkesës, treguan të dhënat e industrisë.

Indeksi arriti në 102.4 muajin e kaluar, duke rënë 0.17 për qind nga muaji i kaluar dhe me 0.32 për qind në bazë vjetore, sipas një sondazhi të kryer bashkërisht nga Federata Kineze e Logjistikës dhe Blerjeve dhe Grupi i Logjistikës “Guangdong Lin'an”, citon “Xinhua”.

Sipas sondazhit, nënindeksi për logjistikën me ngarkesë të plotë të kamionëve, i cili mat kryesisht mallrat me shumicë dhe transportin rajonal, ra 0.19 për qind në bazë mujore, një rënie prej 0.33 për qind nga e njëjta periudhë e vitit të kaluar.

Sondazhi parashikoi se indeksi ka të ngjarë të luhatet në një nivel të ulët në të ardhmen, duke qenë se temperaturat e larta dhe kushtet e pafavorshme të motit në rajone të shumta do të ndikojnë në transportin rrugor. (Irma)