I dërguari i Posaçëm Presidencial për Klimën i ShBA-së, John Kerry, mbërriti të dielën në Pekin për bisedime dypalëshe katërditore mbi bashkëpunimin kino-amerikan për ndryshimet klimatike.
Udhëtimi i Kerry-t pason vizitat e sekretarit të Shtetit të ShBA-së Antony Blinken muajin e kaluar dhe të sekretares së Thesarit të ShBA-së Janet Yellen rreth një javë më parë.
Duke pasur parasysh vëllimin e ekonomive të tyre, bashkëpunimi ndërmjet ShBA-së dhe Kinës vlerësohet si jetik për përpjekjet ndërkombëtare për të shmangur ndikimet më të këqija të ndryshimeve klimatike. Ndërsa ishte në Pekin, Yellen theksoi se të dy vendet duhet të punojnë ngushtë së bashku për këtë çështje.
Vizita e Kerry-t kryhet gjithashtu në një kohë kur hemisferën veriore po e përfshijnë valët e të nxehtit, të cilat shkencëtarët i kanë lidhur me ndryshimet klimatike. Në fillim të korrikut temperatura globale arriti vlerën më të lartë të regjistruar ndonjëherë dhe një "El Niño" që po afrohet, mund t'i mbajë në rritje temperaturat globale, paralajmëroi Organizata Botërore Meteorologjike javën e kaluar.
Foto nga VCG
Sipas "Reuters"-it, bisedimet e Kerry-t me homologun e tij kinez Xie Zhenhua do të përqendrohen në çështje që përfshijnë uljen e lëshimeve të metanit, kufizimin e përdorimit të qymyrit, frenimin e shpyllëzimit dhe ndihmën ndaj vendeve të varfra për të trajtuar ndryshimet klimatike.
Në deklaratën që njoftoi udhëtimin, Departamenti i Shtetit i ShBA-së tha se Kerry synon të angazhohet me Kinën në trajtimin e krizës klimatike, duke përfshirë zbatimin e ambiciet në rritje dhe promovimin e një COP28 të suksesshëm.
Konferenca COP28 e OKB-së për Ndryshimet Klimatike do të mblidhet nga 30 nëntori deri më 12 dhjetor në Dubai të Emirateve të Bashkuara Arabe. Ky do të jetë vlerësimi i parë zyrtar i progresit të vendeve drejt objektivit të Marrëveshjes së Parisit për të kufizuar ndryshimin e klimës në ngrohje 1.5 gradë Celsius (34.7 Fahrenhajt).
Foto nga VCG
Vlerësimi do të përcaktojë përparimin që kanë bërë vendet në angazhimet e tyre për uljen e lëshimeve, ose kontributet e përcaktuara në nivel kombëtar të bëra në Paris. Sipas "The Guardian", shqyrtimi me siguri do të zbulojë se bota është shumë larg përmbushjes së objektivave të saj të Parisit. Për shkak të kësaj perspektive, të gjitha vendeve u kërkohet të dorëzojnë kontributet e përcaktuara në nivel kombëtar të përditësuara në shtator, të cilat vështirë se janë të mjaftueshme për të përmbushur objektivin 1.5 gradë.
Promovimi i COP28 dhe demonstrimi i aftësisë udhëheqëse të ShBA-së për çështjet e klimës globale do të jetë një nga përparësitë në agjendën e Kerry-t, tha Kevin Mo, drejtor i Institutit për Përparimin Global të Çkarbonizimit, një platformë konsultimi me bazë në Pekin, për "Yicai"-n, një grup mediatik me bazë në Shangai.
Foto nga VCG
Vizita bëhet gjithashtu rreth 11 muaj pasi bisedimet për klimën ndërmjet Kinës dhe ShBA-së u ndalën pas vizitës së diskutueshme në Tajvan nga Nancy Pelosi, kryetarja e atëhershme e Dhomës së Përfaqësuesve të ShBA-së.
Në një koment, media shtetërore kineze "Xinhua" tha se ndërveprimet e shpeshta të nivelit të lartë janë hapat e fundit drejt përmirësimit të marrëdhënieve ndërmjet Kinës dhe ShBA-së, duke u bërë thirrje të dy vendeve të menaxhojnë siç duhet dallimet dhe të mbeten të fokusuara që të krijojnë kushte të favorshme për stabilizimin e lidhjeve dypalëshe.
