Protestuesit izraelitë bllokuan autostradat që të çojnë drejt Jeruzalemit, Haifas dhe Tel Avivit, duke filluar kështu të martën protestat mbarëkombëtare kundër planit të qeverisë për reformimin e gjyqësorit, plan i cili ka përçarë vendin.

Foto: VCG

Demonstratat filluan mëngjesin e të martës, menjëherë pasi koalicioni parlamentar i Kryeministrit Benjamin Netanyahu dha miratimin fillestar për një projektligj që kufizon autoritetin mbikëqyrës të Gjykatës së Lartë, duke vazhduar kështu me ndryshimet për gjyqësorin megjithë kundërshtitë e mëdha në vend.

Projektligji është vetëm një ndër ndryshimet e shumta të propozuara nga aleatët ultranacionalistë dhe ultraortodoksë të zotit Netanyahu. Plani ka provokuar muaj të tërë protestash të vazhdueshme nga kundërshtarët që thonë se vendi po shkon drejt sistemit autoritar.

Foto: VCG

Aktivistët kundër reformimit të gjyqësorit bënë thirrje për demonstrata mbarëkombëtare gjatë gjithë ditës, përfshirë protesta në aeroportin kryesor ndërkombëtar të Izraelit, të cilat mund të ndërpresin udhëtimin e pasagjerëve.