Foto nga VCG

Ukraina vazhdoi të bëjë presion pak përpara samitit të NATO-s, këtë javë në Vilnius, për një angazhim të qartë se do të pranohet në aleancën e mbrojtjes perëndimore, shkruan “ATSH”.

“Në samitin në Vilnius, ne presim një ftesë dhe drejtim të qartë për t’u anëtarësuar në NATO”,- tha ambasadori i Ukrainës në Gjermani, Oleksii Makeiev.

“Edhe nëse pranimi nuk do të ndodhë brenda natës, presim që NATO mos të lejojë më paqartësi”, theksoi ai.

Të martën dhe të mërkurën, liderët e 31 shteteve të NATO-s janë planifikuar të takohen në kryeqytetin lituanez Vilnius, me perspektivat e anëtarësimit në NATO për Ukrainën si një nga pikat që do të diskutohet.

Makeiev paralajmëroi se gabimet e bëra në samitin e NATO-s në Bukuresht në 2008 nuk duhet të përsëriten.

Në atë kohë, Gjermania në veçanti, nën kancelaren e atëhershme Angela Merkel, kundërshtoi pranimin e shpejtë të Ukrainës në aleancë. (Fatosi)