Foto nga ATSH

Kombëtarja shqiptare gjendet prej së dielës në Torshavn të Ishujve Faroe, ku sot do të zhvillojë takimin e tretë të kualifikueseve të Euro 2024 për grupin E.

Skuadra e trajnerit Silvinjo, që ka në dispozicion 24 lojtarë, ka zhvilluar një seancë stërvitore.

Pak ditë më parë Shqipëria fitoi 2-0 ndaj Moldavisë në stadiumin “Air Albania” në Tiranë. Golat u shënuan nga Asani dhe Bajrami, përkatësisht në minutat e 52-të dhe 76-të.

Kjo ishte fitorja e parë e Shqipërisë, pas humbjes 1-0 në Poloni në ndeshjen e parë në grup.

Shqipëria ndodhet e 3-ta në grup në kuotën e 3 pikëve pas 2 ndeshjeve.

Ajo pason Republikën Çeke dhe Poloninë. (Fatosi)