Më 15 nëntor 2001, Xi Zhongxuni kishte 88-vjetorin e lindjes. E gjithë familja ishte bashkë, mungonte për shkak të punës vetëm Xi Jinpingu, që atëherë ishte guvernator i provincës Fujian. Me keqardhje për mungesën, Xi Jinpingu shkroi një letër urimi për ditëlindjen e të atit.

Ai përmendte dashurinë e tij për prindërit, duke theksuar “cilësitë fisnike që ka trashëguar dhe marrë nga i ati”. Pasi lexoi letrën e Xi Jinpingut, Xi Zhongxuni shprehu mirëkuptimin e tij për mungesën e të birit për shkak të orarit të ngjeshur. Ai gjithashtu tha: "Është ende e rëndësishme të përqendroheni në punën dhe çështjet kombëtare", duke shtuar se " Shërbimi për popullin është përkushtimi më i madh birnor për prindërit."

Në syrin e Xi Jinpingut, “familja është klasa e parë e njeriut dhe prindërit janë mësuesit e parë për fëmijët”. Pikërisht në këtë “klasë” të veçantë, Xi Jinpingu ka marrë edukimin dhe tiparet e tij të çmuara për tërë jetën.