(Foto nga instagrami)

Këngëtarja e njohur shqiptare, Kida po rikthehet me një projekt të ri muzikor për të nisur sezonin artistik veror të sajin me  angazhime të shumta.  Njoftimin këngëtarja e ka bërë nëpërmjet një postimi në llogarinë e saj në Instagram, ku numëron dy milionë ndjekës. Kida ndau për admiruesit e saj një video nga Dubai teksa shihet mbi një makinë luksoze të bardhë. Përmes saj, Kida ka paralajmëruar këngën e re duke sjellur një pjesë të shkurtër, ndërsa zbuloi se mban titullin “Uru”.

“Du me ta uru”, ka shkruar këngëtarja duke mos zbuluar më shumë detaje, por vetëm që producent muzikor i këtij projekti është Big Deal Rec. Ndërkohë, Kida pritet të sjellë një bashkëpunim të ri me reperen e njohur, Tayna. Projekti i saj i fundit ishte  kënga “Leje” që e solli në mars të këtij viti.