Çdo ditë e më shumë trashëgimia kulturore shqiptare po tërheq vëmendjen e vizitorëve vendas e të huaj.

Nga analiza statistikore e muajve janar-maj, rezulton se vizitueshmëria në muzetë e Shqipërisë është rritur ndjeshëm nga viti në vit.

Ministrja e Kulturës, Elva Margariti, përmes një postimi në rrjetet sociale, cituar nga “ATSH”, shkruan se nga viti 2020 deri më 2023-shin shifrat kanë ardhur në rritje.

Në vitin 2020 muzetë janë vizituar nga 9553 vizitorë vendas e të huaj, ndërsa në muajt janar-maj të vitit 2023 u regjistruan 86002 vizitorë. (Fatosi)