Foto nga VCG
Kina do të ndërtojë një treg të përbashkët kombëtar nëpërmjet masave të zgjerimit të hyrjes në treg dhe tërheqjes së investimeve të huaja, tha të hënën drejtori i Drejtorisë së Zhvillimit të Sistemit të Tregut pranë Ministrisë së Tregtisë Zhou Qiang.
Duke folur në një konferencë shtypi të organizuar nga Zyra e Shtypit e Këshillit të Shtetit, Zhou Qiang theksoi se masat përfshijnë pakësimin e pikave të listës negative për investimet e huaja, si pjesë e përpjekjeve për lehtësimin e mëtejshëm të kufizimeve ndaj investimeve të huaja.
Kina do të përqendrohet edhe në ndërtimin e platformave dhe kanaleve thjeshtëzuese, duke dëshmuar potencialin dhe mundësitë e tregut kinez për të tërhequr investime të huaja, tha ai.
"Kina do të vijojë t'u ofrojë shërbime cilësore kompanive të huaja, duke krijuar mjedis të klasit botëror për investimet e huaja," shtoi zyrtari i Ministrisë kineze të Tregtisë. (Fani)