Foto nga VCG

Në përpjekje për të parandaluar aksidentet e mëdha në vendin e punës, zëvendëskryeministri kinez Zhang Guoqing bëri thirrje që të eliminohen rreziqet e sigurisë në vendin e punës dhe të sigurohet përmbushja e përgjegjësive të menaxhimit, gjatë një ceremonie në Pekin që shënonte fillimin e muajit vjetor të sigurisë në vendin e punës, bën të ditur “Xinhua”.

Fushata duhet të përdoret si një mundësi për të përmirësuar ndërgjegjësimin për sigurinë, për të forcuar menaxhimin dhe për të përmirësuar aftësitë e reagimit ndaj emergjencave, tha Zhang.

Zëvendëskryeministri theksoi gjithashtu rëndësinë e shqyrtimit të rreziqeve të sigurisë, duke përfshirë kontraktimin e jashtëligjshëm dhe menaxhimin kaotik, dhe tha se autoritetet vendore duhet të përmbushin përgjegjësitë e tyre dhe të përmirësojnë cilësinë e zbulimit dhe korrigjimit të rrezikut. (Elona)