Foto nga VCG
Cilësia ekologjike dhe mjedisore e Kinës ruajti trendin e përmirësimit në vitin 2022, me objektivat vjetore të arritura me sukses.
Vitin e kaluar, cilësia e ajrit në Kinë ishte e qëndrueshme dhe cilësia e ujërave sipërfaqësore vazhdoi të përmirësohej, deklaroi në një konferencë për shtyp Jiang Huohua, zyrtar në Ministrinë e Ekologjisë dhe Mjedisit, citon “Xinhua”.
Në një raport të ministrisë thuhet se në vitin 2022 cilësia e ujit të detit nën juridiksionin e Kinës, kushtet mjedisore të tokës, mjedisi akustik urban dhe kushtet ekologjike ishin përgjithësisht të qëndrueshme.
Në të njëjtën periudhë, u përmirësua dhe cilësia e ujit të detit në breg, ku përqindja e zonave me cilësi relativisht të mirë ishte 81.9 për qind, me një rritje prej 0.6 pikë përqindje në bazë vjetore.
Duke vënë në dukje detyrën e mundimshme të mbrojtjes ekologjike dhe mjedisore në Kinë, Jiang tha se duhen bërë më shumë përpjekje për të intensifikuar betejën kundër ndotjes dhe për të konsoliduar vrullin e përmirësimit të cilësisë së mjedisit. (Elona)