foto/MPJ
Kohët e fundit janë përshkallëzuar tensionet në rajonet e Kosovës dhe Metohisë. Duke reaguar ndaj kësaj situate, zëdhënësja e Ministrisë së Jashtme të Kinës Mao Ning tha në një konferencë të rregullt shtypi të marten se Kina po i kushton vëmendje zhvillimeve përkatëse.
Sipas raportimeve të së hënës, forcat e KFOR-it të udhëhequr nga NATO dhe Policia Speciale e Kosovës u konfliktuan me banorët serbë, të cilët po protestonin, duke shkaktuar plagosjen e dhjetëra personave.
Lidhur me këtë zëdhënësja e diplomacisë kineze tha se "Kina mbështet përpjekjet e Serbisë për të mbrojtur sovranitetin dhe integritetin e saj territorial, kundërshton veprimet e njëanshme të ndërmarra nga Institucioni i Përkohshëm i Vetëqeverisjes në Prishtinë dhe bën thirrje për zbatimin e detyrimit për të formuar një qytet të bashkuar. Ne i bëjmë thirrje NATO-s të respektojë seriozisht sovranitetin dhe integritetin territorial të vendeve të interesuara, në favor të paqes në rajon ”. (Fang Xiaoyu/Eda)