Reuters

Rregullatori i hapësirës kibernetike i Kinës bëri të ditur të dielën se produktet e kompanisë amerikane prodhuese të mikroçipave "Micron Technology" nuk e kaluan shqyrtimin e sigurisë kibernetike të tij, për shkak të "rreziqeve serioze të sigurisë kibernetike", duke i ndaluar operatorët e infrastrukturës kyçe t'i blejnë këto produkte.

Kina e njoftoi shqyrtimin e produkteve të "Micron"-it në fund të marsit për të garantuar sigurinë e zinxhirit të furnizimit për infrastrukturën kyçe të informacionit dhe për të shmangur rreziqet kibernetike. 

Reuters

Administrata e Hapësirës Kibernetike e Kinës (CAC) shqyrtoi produktet e "Micron"-it të shitura në pjesën kontinentale dhe theksoi se kjo është një "masë e nevojshme" për të garantuar sigurinë kombëtare. Megjithëse ky vendim do të ndalojë operatorët kyçë të infrastrukturës të blejnë produkte të kësaj kompanie, ndalimi është një rast individual dhe Kina do të vazhdojë hapjen e tregut të saj për biznesin global, tha CAC.