foto/MPJ
Zëdhënësja e Ministrisë së Jashtme të Kinës Mao Ning u shpreh në një konferencë shtypi të martën se pala kineze shpreson që pala amerikane do të ndjekë politika të përgjegjshme financiare e monetare, nuk do t’ia kalojë botës rreziqet e ShBA-së dhe nuk do të dëmtojë interesat e botës për të mbrojtur interesat e vet.
foto/VCG
Sipas njoftimeve, sekretarja e Thesarit e ShBA-së Janet Yellen deklaroi në një letër të fundit për liderët e Kongresit të ShBA-së se, nëse Kongresi nuk arrin të rrisë ose të pezullojë kufirin e sipërm të borxhit përpara 1 qershorit, Departamenti amerikan i Thesarit nuk do të jetë në gjendje të mbështesë faturat e qeverisë.
Zëdhënësja Mao Ning vuri në dukje se çështja e tavanit të borxhit kombëtar amerikan është një punë e brendshme e ShBA-së, por si ekonomia më e madhe në botë, situata në ShBA dhe zgjedhjet e politikave prej saj kanë efekt të rëndësishëm përçues në ekonominë botërore.
foto/VCG
Pala kineze shpreson se pala amerikane do të zbatojë politika të përgjegjshme financiare dhe monetare, nuk do t’ia kalojë botës rreziqet e veta dhe nuk do të dëmtojë interesat e botës për të mbrojtur interesat e vet. (Fang Xiaoyu/Artan)