Foto nga ATSH

Federata Shqiptare e Futbollit organizoi për herë të parë një seleksionim në Shtetet e Bashkuara të Amerikës, ku u testuan 126 futbollistë të lindur ndër vitet 2005-2009, njofton “ATSH”.

Testimet  u zhvilluan në datat 20 dhe 21 maj 2023 në zonën e Nju Xhersit.

Në dy ditë janë testuar të gjithë lojtarët përmes seancave stërvitore dhe ndeshjeve të kontrollit.

Përshtypjet e stafit për vlerat dhe përkushtimin e lojtarëve kanë qenë mjaft pozitive.

FSHF-ja ka evidentuar futbollistë që premtojnë për të ardhmen e do të mbahen në monitorim të vazhdueshëm. (Fatosi)