Porti me konteinerë për transportin hekurudhor në Lianyungang/ foto nga CFP

Qyteti bregdetar i Lianyungang në provincën Jiangsu të Kinës lindore ka raportuar 15.000 udhëtime me tren mallrash drejt dhe nga pesë vendet e Azisë Qendrore.

Një tren mallrash, i ngarkuar me kontejnerë me pllaka qeramike, goma dhe pajisje për përpunimin e yndyrës, u nis nga Lianyungang për në Kazakistan dhe Uzbekistan të enjten.

Ky shënon udhëtimin e 15.000-të të trenit të mallrave Lianyungang-Vendet e Azisë Qendrore që nga dhjetori 1992 kur u hap Ura e Re Tokësore Euroaziatike, sipas “Jiangsu International Rail Freight Express Co., Ltd”, citon “Xinhua”.

Lianyungang është terminali lindor i Urës së Re Tokësore Euroaziatike 10.900 km të gjatë, një kalim ndërkombëtar që lidh Paqësorin dhe Atlantikun. Kalimi shkon nga qytetet bregdetare të Kinës Lianyungang dhe Rizhao në Roterdam të Holandës dhe Antwerp të Belgjikës, duke kaluar përmes Kazakistanit, Rusisë, Bjellorusisë, Polonisë dhe Gjermanisë. Ai u shërben më shumë se 30 vendeve dhe rajoneve.