CFP

Në katër muajt e parë të vitit 2023, provinca Hunan e Kinës Qendrore regjistroi rritje të tregtisë së saj të jashtme me vendet afrikane me 90.4 për qind në bazë vjetore duke arritur një nivel rekord prej mbi 22 miliardë juanësh (rreth 3.14 miliardë dollarë amerikanë), thanë autoritetet lokale doganore të enjten.

Rritja ishte 40.6 pikë përqindje më e lartë se ajo e tregtisë së jashtme të përgjithshme të krahinës. Gjatë kësaj periudhe, rritja u kontribuua shumë nga sektori i eksportit të provincës, me vëllimin e eksportit që arriti në 17.4 miliardë juanë, 148.7 për qind më shumë në bazë vjetore, bën të ditur “Xinhua”.

Veçanërisht, produktet bujqësore të importuara nga vendet afrikane u rritën me 16.6 herë në 150 milionë juanë. Kauçuku natyral dhe sintetik dhe ushqimi gjithashtu shënuan një rritje të fortë për sa u përket importeve.

CFP

Nga janari deri në prill, tre partnerët kryesorë tregtarë të provincës ishin Afrika e Jugut, Nigeria dhe Egjipti. Tregtia e Hunanit vetëm me Afrikën e Jugut përbënte më shumë se një të pestën e tregtisë totale të jashtme me vendet afrikane gjatë kësaj periudhe. (Elona)