Foto nga VCG
Presidenti kinez Xi Jinping dhe krerët e shtetit të pesë vendeve të Azisë Qendrore njoftuan të premten vendimin për të përuruar zyrtarisht Mekanizmin e Samitit Kinë - Azi Qendrore.
Të dy palët - Kina dhe vendet e Azisë Qendrore - do ta organizojnë me radhë samitin, që do të zhvillohet një herë në dy vjet.
Foto nga VCG
Njoftimi u bë në Xian të provincës Shaanxi të Kinës Veriperëndimore, ku u mbajt të enjten dhe të premten Samiti i 1-rë Kinë - Azi Qendrore.
Samiti i ardhshëm do të zhvillohet në Kazakistan në vitin 2025.
Presidentët ranë dakord për krijimin e një sekretariati të përhershëm të mekanizmit në Kinë.
Gjashtë vendet arritën konsensus për të nxitur bashkëpunimin e thellë e të gjithanshëm, me përparësi transportin, ekonominë e tregtinë, investimet e industrinë, bujqësinë, energjetikën, doganat dhe shkëmbimet njerëzore.