Çdo komb ka kulturën e vet ushqimore. Me zhvillimin e ekonomisë dhe trashëgiminë historike, shkëmbimet ndërkombëtare janë shtuar dhe kulturat ushqimore mes rajonit Xinjiang të Kinës Veriperëndimore dhe Azisë Qendrore janë përhapur e integruar me njëra-tjetrën.
CFP
Kultura ushqimore dhe metodat e gatimit të ushqimeve të rajonit të Xinjiang-ut janë përhapur nëpërmjet mënyrave të ndryshme në Azinë Qendrore. Në kohët e sotme, kuzhina e Xinjiang-ut preferohet gjerësisht në vendet e Azisë Qendrore dhe aty mund të shikojmë shumë restorante me ushqime të Xinjiang-ut. Në vijim janë disa gatesa tradicionale të Xinjiang-ut.
Pula në pjatë të madhe/CFP
1. "Pula në pjatë të madhe"
"Dapanji" i Xinjiang-ut, ose "pula në pjatë të madhe", është një ushqim tradicional kinez nga rajoni Xinjiang i Kinës. Ajo ka pulën si përbërës kryesor dhe përfshin perime si patatet, karotat e specat jeshilë të skuqur me makarona petëgjera, duke krijuar një pjatë me shije të pasur dhe pikante.
Zjarri i qymyrit të drurit përdoret shpesh për të gatuar këtë gjellë, për të siguruar një temperaturë gatimi të njëjtë dhe strukturën e përbërësve. "Dapanji" që ka një ngjyrë të ndritshme, aromë të fortë, është kërce dhe e butë në të njëjtën kohë, dhe është një ushqim tradicional i njohur i Xinjiang-ut.
Pilafi me mish qengji/CFP
2.Pilafi me mish qengji: Pjata simbolike në Xinjiang
Pilafi me mish qengji është një pjatë simbolike në Xinjiang të Kinës Veriperëndimore dhe një ndër ushqimet thelbësore për festat tradicionale të kombësisë ujgure. Përveç orizit dhe copave të mishit të qengjit, gatuhet zakonisht edhe me qepë e rrepa të verdha.
Mishi që mbahet me dorë/CFP
3."Mishi që mbahet me dorë": I thjeshtë, por i shijshëm
"Shouzhuarou", përkthyer fjalë për fjalë si "mishi që mbahet me dorë", është një mënyrë e ngrënies së mishit të deles me origjinë nga kombësia kazake e Kinës. Emri vjen nga fakti që ky ushqim hahet me dorë.
Kjo metodë është relativisht e thjeshtë: së pari, mishi i deles me kockë pritet në copa dhe zihet në ujë. Pasi nxirret nga uji, i hidhen sipër qepë të grira, kripë dhe një lugë supë e nxehtë, dhe pastaj vendoset në tryezën e ngrënies. (Xu Guang)
