Trageti (Foto Wordpress)

Norvegjia po shton flotën elektrike në mjetet e transportit, duke përfshirë makinat, autobusët dhe tragetet, në përpjekje të ruajtjes së pozicionit të saj si lider në botë në përdoruesit e lëvizshmërisë elektrike për frymë dhe të arritjes së qëllimeve të saj ambicioze të emetimit, shkruan “CGTN”.

“Hapi ynë i ardhshëm është elektrifikimi i anijeve, gjë që është pak më e vështirë. Do të përpiqemi të përdorim një sistem të ndërrimit të baterive të frymëzuar nga industria e makinave”,- deklaroi menaxheri i ngarkimit të anijeve në Oslo, Pal Espen Jensen.

Tre tragetet elektrikë të qytetit të pasagjerëve të Oslos, të cilët qarkullojnë me një shpejtësi më të ulët, transportojnë deri në 600 pasagjerë secili, duke i bërë ato linjat më të ngarkuara publike të udhëtarëve në Norvegji. Bateritë e këtyre trageteve ngarkohen kur anijet ankorohen në ndalesa të caktuara tragetesh, duke përdorur pajisje karikimi.

Për shkak të shpejtësisë së anijes, me 55 km/orë, karikimi i baterisë së saj të madhe do të merrte shumë kohë. Kështu, frymëzuar nga stacionet e ndërrimit të baterive të prodhuesit kinez të makinave “Nio”, Norvegjia vendosi të instalojë tragetin e parë në botë, bateria e të cilit ndërrohet sa herë që anija ankorohet në port. (Fatosi)