Foto nga VCG

Aksesueshmëria rajonale e aviacionit të Kinës është përmirësuar gjatë viteve të fundit. Koha e udhëtimit për të arritur qytetet më të vogla përgjatë rrugëve rajonale të fluturimit është shkurtuar përgjithësisht, duke mundësuar akses më të shpejtë në këto destinacione, thuhet në një raport të publikuar bashkërisht nga Shoqata e Transportit Ajror në Kinë dhe institute të tjera kërkimore, shkruan “Xinhua”.

Në vitin 2022, rrjeti i transportit të këtyre qyteteve më të vogla ishte në gjendje të mbulonte mesatarisht 20 qytete dhe zakonisht nevojitet një udhëtim transferimi për të hyrë në shumicën e qyteteve të tjera në vend, thuhet në raport.

Përmirësimi i aksesit ka mbështetur fuqishëm zhvillimin e koordinuar rajonal dhe vitalizimin rural të vendit, duke ndihmuar qytetet dhe qarqet më të vogla të ndajnë dividentët e tregut të madh të vendit dhe të nxisin ekonomitë lokale.

Raporti thekson nevojën për një rrjet më gjithëpërfshirës dhe të ndërlidhur që të përfshijë si rrugët ajrore rajonale ashtu edhe ato kryesore. Ai thekson rëndësinë e përmirësimit të aksesit midis aeroporteve kryesore dhe aeroporteve të përgjithshme për të rritur efikasitetin e përgjithshëm të transportit. (Fatosi)