Foto nga VCG

Kina dhe Australia kanë rënë dakord të rifillojnë mekanizmat e dialogut ekonomik dhe tregtar të nivelit të lartë, duke përfshirë një komitet të përbashkët të marrëveshjes së tregtisë së lirë, shkruan “CGTN”.

Sipas një deklarate për shtyp nga Ministria kineze e Tregtisë, për këtë nismë u ra dakord gjatë Komisionit të 16-të të Përbashkët Ekonomik Ministror Kinë-Australi të bashkëkryesuar nga ministri kinez i Tregtisë, Wang Wentao, dhe homologu i tij australian Don Farrell, të premten, në Pekin.

Wang i bëri thirrje Australisë që të bëjë përpjekje të përbashkëta për të zgjeruar interesat e përbashkëta dhe u kërkoi të dy vendeve të adresojnë shqetësimet e njëri-tjetrit mbi bazën e barazisë dhe përfitimit reciprok.

Të dy ekonomitë janë shumë komplementare dhe kanë një bashkëpunim të frytshëm ekonomik dhe tregtar, tha ai, duke kërkuar që të zbatohet konsensusi i rëndësishëm i arritur nga dy krerët e shteteve në Bali, të kërkohet baza e përbashkët duke rezervuar dallimet dhe për bashkëpunim praktik për të jetë i avancuar.

Farrell tha se të dyja palët kanë bërë së fundmi përparim thelbësor në avancimin e marrëdhënieve dypalëshe ekonomike dhe tregtare dhe në trajtimin e duhur të shqetësimeve kryesore ekonomike dhe tregtare të njëri-tjetrit, thuhet në deklaratë.

“Australia është e gatshme të vazhdojë të forcojë bashkëpunimin me Kinën në platforma shumëpalëshe dhe rajonale si Organizata Botërore e Tregtisë dhe Bashkëpunimi Ekonomik Azi-Paqësor”, shtoi Farrell.

Të dy ministrat kanë rënë dakord gjithashtu për të forcuar bashkëpunimin e gjelbër dhe me karbon të ulët, si dhe për të mbështetur bashkëpunimin midis ndërmarrjeve nga të dy vendet në fushën e tregtisë digjitale dhe tregtisë elektronike. (Fatosi)