Foto:VCG
Një studio e re e projektimit të makinave “Volvo” u hap në Shangai, duke u bërë një nga tre qendrat globale të projektimit të prodhuesve të automjeteve.
Duke pasqyruar selinë e projektimit të “Volvo Cars”, në Goteborg, studioja e Shangait ka funksionet e nevojshme për të lehtësuar të gjithë procesin e projektimit, nga koncepti te prodhimi, njoftoi kompania, citon “Xinhua”.
Studioja e projektimit prej 5500 metrash katrorë ka makineri punimi, printerë 3D dhe punëtori të pajisura plotësisht për prodhimin e modeleve të sakta në mënyrë më efikase se kurrë.
Dizajnuesit e selisë në Shangai kanë akses edhe në mjedise të realitetit virtual, ku mund të eksplorojnë dizajne në botën virtuale.
Foto:VCG
“Ambjentet e reja dhe teknologjitë më të fundit ndihmojnë në forcimin e bashkëpunimit në tre studiot tona të dizajnit në nivel global, ndërsa ne vazhdojmë ta çojmë dizajnin e Volvo Cars në nivelin tjetër”,- tha Jeremy Offer, kreu i dizajnit global të “Volvo Cars”.
Me hapjen e studios së dizajnit në Shanghai, kompania bëri të ditur se po përforcon edhe investimin e saj strategjik dhe zhvillimin afatgjatë në Kinë. (Irma)