Foto nga VCG

Kongresi i shtatë Botëror i Inteligjencës (WIC), një ngjarje e madhe e inteligjencës artificiale (AI) në Kinë, do të mbahet në komunën Tianjin të Kinës veriore, nga 18 deri më 21 maj.

Me temën “Inteligjenca: Hapësirë e gjerë zhvillimi, nxitës i rritjes së qëndrueshme”, eventi do të fokusohet në fuqizimin e zhvillimit ekonomik dhe social me teknologjitë inteligjente dhe ndërtimin e një platforme globale për shkëmbim, bashkëpunim, rezultate të favorshme dhe ndarje në fushën e teknologjisë inteligjente, shkruan “Xinhua”.

Zhu Peng, nënkryetari i bashkisë së Tianjin, tha se ngjarja, duke theksuar tendencat e reja, teknologjitë e reja dhe format e reja të biznesit të zhvillimit të inteligjencës artificiale, do të ftojë politikanë, sipërmarrës, ekspertë dhe studiues nga e gjithë bota për të diskutuar tema largpamëse si inteligjenca artificiale, makinat gjeneruese, ndërveprimi tru-kompjuter, si dhe tema të nxehta të lidhura me AI në fushat e ekonomisë, shoqërisë dhe kulturës.

Duke mbuluar një sipërfaqe ekspozite prej 120.000 metrash katrorë, ekspozita do të ketë 10 zona ekspozimi tematike, duke përfshirë inovacionin e aplikacioneve të teknologjisë së informacionit, AI dhe internetin industrial 5G+, si dhe dy zona me përvojë inteligjente që fokusohen te 5G dhe makinat inteligjente.

Ekspozita gjithashtu përfshin produkte, iniciativa dhe teknologji të tilla si kërkimi dhe aplikimi shkencor, qyteti dhe transporti i zgjuar, bashkëpunimi ndërkombëtar dhe rajonal dhe prodhimi inteligjent.

Përveç kësaj, ekspertë, studiues dhe sipërmarrës nga 21 vende dhe rajone, duke përfshirë SHBA-në, Gjermaninë, Japoninë dhe Republikën e Koresë, do të jenë të pranishëm në Tianjin për të forcuar bashkëpunimin në shkencë dhe teknologji, tregti dhe kulturë. (Irma)