CFP
Sipas njoftimeve të agjencisë së lajmeve "The Associated Press", për të parandaluar që nxënësit të shkojnë në shkollë me armë, disa shkolla të shtetit Miçigan në ShBA nxitën rregullat e ndalimit të marrjes së çantave në shkollë. Sipas artikullit, kohët e fundit, një nxënës i klasës së 3-të të shkollës fillore shkoi në shkollë me një armë të mbushur. Kjo është hera e katërt këtë vit që zbulohen nxënës me armë në shkollë në këtë distrikt shkollor, tre ndër të cilët e kishin futur armën në çantë. Prandaj, për arsye sigurie, ky distrikt shkollor mori vendimin që të ndalohet marrja e çantave në shkollë.
Më parë, në shkollat publike të qytetit Flint të këtij shteti është ndaluar marrja e çantave në shkollë qysh nga 1 maji, për arsye të "rritjes së veprimeve kërcënuese dhe të futjes së sendeve të ndaluara si armët në shkollat e ndryshme". Në vitin 2021, një nxënës 15-vjeçar shkoi në klasë me pistoletë gjysmë automatike dhe vrau katër nxënës e plagosi të paktën shtatë veta. Në janar të vitit 2023, një djalë 6 vjeç nga Virxhinia shkoi në shkollë me armë dhe qëlloi mësuesin e vet 25-vjeçar. (Xu Guang)
CFP