Foto nga VCG

Që kur ligji “Për mbrojtjen e heronjve dhe dëshmorëve” ka hyrë në fuqi më 1 maj 2018, deri vitin e kaluar, prokurorët kinezë kanë trajtuar më shumë se 8000 raste administrative me interes publik në lidhje me mbrojtjen joefektive nga agjencitë qeveritare të vendeve përkujtimore. Kjo ndihmoi në rinovimin e rreth 23.000 vendeve përkujtimore.

Ligji parashikon që shpifja ndaj heronjve dhe martirëve ose shtrembërimi dhe pakësimi i veprimeve të tyre janë të ndaluara, shkruan “China Daily”.

Ai gjithashtu thekson se programet televizive dhe radio, videot, filmat, botuesit dhe faqet e internetit dhe përdoruesit nuk duhet të dëmtojnë emrin, imazhin, reputacionin ose nderin e tyre.

Prokurorët kanë trajtuar 100 raste me interes publik që kanë të bëjnë me dëmtimin e emrit, imazhit, reputacionit dhe nderit të heronjve dhe martirëve gjatë periudhës pesëvjeçare.

Të dhënat nga Ministria e Çështjeve të Veteranëve treguan se Kina ka 160.000 objekte dhe vende që përkujtojnë heronjtë dhe dëshmorët, me 1600 institute të specializuara në mirëmbajtjen e tyre.

Rreth 300 objekte përkujtimore kombëtare kineze ndodhen në 50 vende dhe rajone anembanë botës, ku u varrosën 110.000 heronj dhe dëshmorë. (Fatosi)