Foto nga VCG

Qeveria ukrainase ka miratuar strategjinë e re të vendit për zhvillimin e energjisë deri në vitin 2050, njoftoi Ministria e Energjisë.  

Dokumenti pasqyron objektivat e Marrëveshjes së Gjelbër Europiane dhe parashikon që Ukraina të arrijë neutralitetin e karbonit në sektorin e energjisë deri në vitin 2050, thuhet në deklaratën e ministrisë, citon “Xinhua”.  

Bazuar në parimet e një qasjeje gjithëpërfshirëse ndaj politikës energjetike, sipas dokumentit, strategjia po krijon kushte për zhvillimin e qëndrueshëm të ekonomisë ukrainase.  

Dokumenti merr parasysh pasojat e konfliktit Rusi-Ukrainë, rezultatet e anëtarësimit të Ukrainës në rrjetin europian të operatorëve të sistemit të transmetimit të energjisë elektrike dhe praninë e teknologjive më të fundit në sektorin e energjisë.  

Në mars, ministri i Energjisë, Herman Galushchenko, tha se Ukraina synon të rrisë pjesën e energjisë së rinovueshme në prodhimin e saj të energjisë në 50 për qind për të rritur sigurinë e energjisë. (Elona)