foto/VCG

Gjykatat kineze kanë ndërmarrë masa të ndryshme për të ndihmuar të moshuarit të kenë akses më të lehtë në shërbimet ligjore, deklaroi Wu Jingli, zëvendëskryegjyqtarja e Gjykatës së Lartë të Popullit, gjykata më e lartë e vendit, citon “China Daily”.

“Vitet e fundit, gjykatat në mbarë vendin kanë forcuar mbrojtjen e të moshuarve duke trajtuar në mënyrë efikase rastet e tyre, duke formuluar interpretime gjyqësore dhe duke nxjerrë vendime me ndikim për të ndihmuar në rritjen e ndërgjegjësimit të publikut për nevojën për t'u kujdesur më shumë për të moshuarit dhe për t'u dhënë atyre mbështetje më të fortë ligjore”,- tha Wu, pasi gjykata zbuloi tetë vendime që përfshinin të moshuarit.

Në mars të vitit të kaluar, gjykata nxori një udhëzues të posaçëm që u kërkon gjyqtarëve në të gjithë vendin të ofrojnë shërbime ligjore me cilësi të lartë për palët më të vjetra ndërgjyqëse, tha Wu.

foto/VCG

Katër muaj më vonë, sipas saj, një tjetër udhëzim që lëshonte urdhra për mbrojtjen personale për të mbrojtur të moshuarit nga dhuna në familje u lëshua gjithashtu nga gjykata.

Ndërsa përmirësojnë politikat ligjore, palët më të vjetra ndërgjyqëse që kanë vështirësi në plotësimin e dokumenteve ligjore janë lejuar gjithashtu të nisin padi gojarisht dhe u është dhënë akses më i lehtë në shërbimet ligjore në gjykatat kineze.

foto/VCG

Për më tepër, gjykata ka promovuar ndërgjegjësimin për nevojën për të mbrojtur të drejtat dhe interesat legjitime të të moshuarve duke zbuluar vendime që nga viti 2021, duke bërë thirrje që të gjitha sferat e jetës të respektojnë dhe të kujdesen më shumë për të moshuarit, shtoi ajo. (Irma)