CFP

Kina ka bërë përparim të fortë në frenimin e shkarkimit të ujërave të ndotura në Lumin e Verdhë dhe hedhjen e mbeturinave në shtratin e lumit gjatë viteve të fundit.

Progresi i atribuohet një sërë inspektimeve përgjatë lumit të dytë më të gjatë në vend që nga viti 2020, me pesë rajone të nivelit provincial të përfshirë, tha Liu Youbin, zëdhënësi i Ministrisë së Ekologjisë dhe Mjedisit, në një konferencë për shtyp, citon “Xinhua”.

Sipas tij, deri më tani, ministria ka zbuluar më shumë se 17.000 dalje në total gjatë inspektimeve që mbulojnë një distancë prej më shumë se 12.000 km.

Shumë çështje të konstatuara gjatë inspektimeve u zgjidhën pasi qeveritë lokale u informuan dhe ministria u kërkoi të ndërmarrin veprime, tha zëdhënësi.

CFP

Në konferencën për shtyp u njoftua gjithashtu se mbulimi i bimësisë së pellgut të Lumit të Verdhë ka pasur një rritje të jashtëzakonshme gjatë dy dekadave të fundit, sipas të dhënave nga hetimet me sensorë në distancë.

Lumi i Verdhë quhet lumi mëmë në Kinë. Vitet e fundit janë ndërmarrë përpjekje të vazhdueshme për mbrojtjen ekologjike përgjatë lumit, me ligjin “Për mbrojtjen e Lumit të Verdhë” që hyri në fuqi më 1 prill 2023. (Irma)

CFP