Gjenerata Z, lexuesit kryesorë të librave digjitalë
2023-04-27 16:12:21

foto nga CFP

foto nga CFP

Gjenerata Z, përkufizimi për personat e lindur midis viteve 1995 dhe 2000, janë bërë një bazë e madhe lexuesish për librat digjitalë, sipas një raporti të bashkëpublikuar nga Biblioteka e Shangait, “China Press Publication Radio Film and Television Journal”, si dhe Grupi i Letërsisë së Kinës, një nga platformat kryesore të letërsisë online.

Vetëm në platformat e letërsisë kineze, gjenerata Z përbënte 66 për qind të të gjithë lexuesve të rinj të regjistruar në vitin 2022, të cilët lexuan rreth 2 miliardë orë dhe shkruan më shumë se 30 milionë komente. Sipas raportit, letërsia për të rinjtë, letërsia, psikologjia, kultura tradicionale dhe fanta-shkenca janë pesë kategoritë me të cilat gjenerata Z ndërvepron më shumë.

Librat më të njohur për secilën kategori janë: “Longwang” (The Dragon King: Restarting of the World), Koleksioni i plotë i Lu Xun, përkthimi kinez i “What Life Could Mean to You”, “Analektet” e Konfucit dhe “The Three-Body Problem”.

foto nga CFP

foto nga CFP

Si një grupmoshë që i kushton më shumë vëmendje rritjes së vetvetes dhe shëndetit psikologjik, lexuesit e gjeneratës Z përbënin 58 për qind të përdoruesve të rinj që lexonin libra psikologjikë në platformat e Letërsisë Kineze në vitin 2022. Leximi digjital jo vetëm që kënaq gjeneratë Z me informacion dhe njohuri, por gjithashtu ofron hapësirë që ata të mësojnë, të ndërveprojnë dhe të komunikojnë me njëri-tjetrin, duke formuar ura të rëndësishme për të rinjtë për t'u lidhur me kulturën tradicionale, shkencën dhe krijimtarinë.

Në vitin 2022, “Analektet” e Konfucit, “Dream of the Red Chamber” dhe “Journey to the West” ishin librat e preferuar të të rinjve mbi kulturën tradicionale. Libri më i diskutuar nga lexuesit e gjeneratës Z ishte “History as a Mirror”, me 15.000 komente.

Mes mbi 30 milionë komenteve të shkruara nga gjenerata Z në platformat e Letërsisë Kineze, më të spikuaturat iu kushtuan librave të popullarizimit të shkencës, ku fjala “shkencë” u shfaq mbi 420.000 herë dhe “inteligjenca artificiale” gati 400.000 herë.

foto nga CFP

foto nga CFP

“A Brief History of Time”, nga Stephen Hawking, dhe “Peasant Life in China”, nga Fei Hsiao-t'ung, janë bërë librat e preferuar që kanë popullarizuar shkencën dhe shkencat sociale.

Ndër të gjitha temat e literaturës në internet, fanta-shkenca është bërë më e preferuara e gjeneratës Z. Statistikat e “China Literature” tregojnë se gati 70 për qind e lexuesve të fanta-shkencës janë më të rinj se 30 vjeç.

Koha e preferuar e gjeneratës Z për të lexuar është mesdita dhe ora 22:00. Sipas të dhënave, 5 provincat kryesore kineze ku gjenerata Z lexon më shumë janë Guangdong, Jiangsu, Henan, Shandong  dhe Zhejiang.

Literatura kineze në internet ka arritur në më shumë se 200 vende dhe rajone anembanë botës dhe 75.3 për qind e përdoruesve janë nga gjenerata Z.