Foto nga VCG
Kina vazhdon të udhëheqë në botë për numrin e njësive të energjisë bërthamore në ndërtim, me 24 të tilla, me një kapacitet të përgjithshëm të instaluar 26.81 milionë kilovatë (kW), thuhet në një libër blu të publikuar nga Shoqata e Energjisë Bërthamore e Kinës të premten.
Po sipas këtij dokumenti, Kina i ka vënë në funksionim njësitë e saj të energjisë bërthamore në një mënyrë të sigurt e të qëndrueshme për një kohë të gjatë, duke bërë përparim të vazhdueshëm në ndërtimin e tyre.
Që nga viti 2022, autoritetet përkatëse kineze kanë miratuar 10 njësi të reja të energjisë bërthamore, duke vendosur tre njësi të reja në funksionim komercial dhe duke filluar ndërtimin e gjashtë njësive të reja.
Deri tani në Kinë ka 54 njësi të energjisë bërthamore komerciale me një kapacitet të përgjithshëm të instaluar 56.82 milion kW, duke u renditur në vendin e tretë në botë.
Gjithashtu, Kina e ka vënë në përdorim energjinë e vet bërthamore me një siguri të nivelit të përparuar ndërkombëtar.