CFP
Vëllimi i tregtisë së jashtme të Rajonit Autonom të Xinjiang Ujgur të Kinës veriperëndimore u rrit 80.3 për qind në baza vjetore në 68.07 miliardë juanë (rreth 10 miliardë dollarë amerikanë) në tremujorin e parë të vitit.
Sipas Doganave të Urumqit, partnerët tregtarë të Xinjiang janë bërë më të larmishëm. Gjatë kësaj periudhe, tregtia e rajonit me pesë vende të Azisë Qendrore - Kazakistanin, Kirgistanin, Taxhikistanin, Turkmenistanin dhe Uzbekistanin - arriti në 53.18 miliardë juanë, 84.5 për qind më shumë në baza vjetore, shkruan “Xinhua”.
CFP
Tregtia e Xinjiang me vendet e nismës “Një brez, një rrugë” arriti në 61.88 miliardë juanë, 77.4 për qind më shumë në baza vjetore, ndërsa tregtia me anëtarët e tjerë të Partneritetit Gjithëpërfshirës Ekonomik Rajonal (RCEP) arriti në 2.83 miliardë juanë, 16.6 për qind më shumë. Tregtia e rajonit me Bashkimin Europian arriti në 1.85 miliardë juanë, 54.4 për qind më shumë.
Gjatë kësaj periudhe, tregtia ndërkufitare e tregtisë elektronike e Xinjiang-ut u rrit 2.4 herë. Me një vlerë totale tregtare prej 3.35 miliardë juanë, sektori i tregtisë elektronike ndërkufitare përbënte më shumë se një të dhjetën e rritjes së përgjithshme të tregtisë së jashtme të rajonit, sipas departamentit rajonal të tregtisë. (Irma)
CFP