Foto nga VCG

Transporti i aviacionit civil të Kinës regjistroi një rikthim të qëndrueshëm në tremujorin e parë të këtij viti, tha Li Yong, një zyrtar i Administratës së Aviacionit Civil të Kinës, në një konferencë për shtyp të martën.

Qarkullimi total i transportit të sektorit ishte 23.99 miliardë ton-kilometra, 39.7 për qind më shumë nga viti në vit, citon “Xinhua”.

Më shumë se 129 milionë udhëtime pasagjerësh ajrorë janë kryer në tre muajt e parë të këtij viti, duke u rritur me 68.9 për qind nga viti në vit dhe duke u rikuperuar në 80 për qind të nivelit të 2019-s. Nga totali, udhëtimet ndërkombëtare zënë 2.24 milionë, një rritje me 717 për qind nga viti në vit.

Në tremujorin e parë, vëllimi i ngarkesave dhe postave të sektorit të aviacionit civil të Kinës arriti në 1.49 milionë tonë, duke u rikuperuar në 89 për qind të nivelit të vitit 2019, tha Li.

Ai shtoi se sektori i aviacionit civil pritet të mbajë një trend të qëndrueshëm rimëkëmbjeje. (Elona)