Foto nga VCG

Banketet janë fokusuar në një projekt-udhëzues të publikuar së fundi për frenimin e mbetjeve ushqimore, raportoi “China Daily”.

Drafti, i cili aktualisht kërkon të dhëna publike, është i fundit në një seri përpjekjesh të qeverisë kineze për të promovuar një qasje më të qëndrueshme ndaj konsumit të ushqimit dhe për të inkurajuar praktika të përgjegjshme në industrinë e restoranteve.

Drafti përmban tetë kategori masash. Ato përfshijnë treguesin e qartë të çmimeve dhe peshës, reduktimin e mbetjeve në bankete, përsosjen e sistemit të vlerësimit për lokalet e ngrënies dhe përmirësimin e vetërregullimit të industrisë.

Drafti kërkon që restorantet të ndërmarrin hapa për të reduktuar mbetjet ushqimore në bankete. Restorantet duhet të shënojnë qartë çmimin e çdo pjate në paketat e banketeve dhe informacionin e zbritjes nëse është e aplikueshme. Kompanitë e hotelierisë që organizojnë bankete u kërkohet të përfshijnë politika që synojnë reduktimin e mbetjeve ushqimore në kontratat e tyre.

Restoranteve u kërkohet gjithashtu të eliminojnë kërkesat minimale të shpenzimeve dhe të tregojnë numrin e darkave për të cilat është krijuar secila paketë. Atyre u kërkohet gjithashtu të ofrojnë kontejnerë falas për marrjen e mbetjeve.

Drafti kërkon rritjen e monitorimit të banketeve në shkallë të gjerë, veçanërisht ato të ofruara nga hotelet dhe ato që paguajnë më shumë se 1500 juanë (rreth 220 dollarë amerikanë) për çdo tryezë, duke përjashtuar pijet. Autoritetet do të kryejnë inspektime të rastësishme për të siguruar që protokollet janë duke u ndjekur, sipas draftit. (Fatosi)